सिड्नी, जेठ ९ । अष्ट्रेलियाको सबैभन्दा बढी जनसंख्या भएको न्यू साउथ वेल्स राज्यले घरेलु यात्रा खुकुलो पार्ने भएको छ ।
आगामी महिनाबाट राज्यका नागरिकलाई राज्य सीमाभित्र घुमफिरका लागि छुट दिन लागिएको हो ।
छुट अन्तरगत आर्ट ग्यालरी र म्यूजियमहरू पुनः खुल्नेछन् ।
कोरोना भाइरसका कारण सिथिल बनेको अर्थ व्यवस्थालाई उकास्ने योजना अन्तरगत राज्यले यस्तो योजना अघि सारेको हो ।
यो कदमले मानिसहरू घरबाट सिड्नी जाने अनुमति दिनुका साथै दक्षिणी तटको पर्यटकीय क्षेत्र भ्रमण गर्न दिनेछ ।
राज्यका प्रमुख ग्लेडिस बेरेजिक्लियन मानिसहरूले नयाँ परिस्थितिमा आफूलाई ढाल्नुपर्ने बताएकी छन् ।
त्यहाँका अधिकारीले अझै सामाजिक दुरीका केही प्रावधानहरूलाई पालना गर्नुपर्ने बताउँदै आएका छन् ।
‘हामी मानिसहरू आफै रमाइलो गरून, स्वतन्त्र महशुस गरून भन्ने चाहन्छौं तर त्योसँगै हामीलाई थाहा छ महामारीका बेला हामी केही पनि गर्दैनौं’, टेलिभिजनबाट गरिएको मिडिया कन्फ्ररेन्समा उनले भनिन् ।
‘हामी मानिसहरू भविष्यलाई लिएर प्रोत्साहित र आशावादी अनुभव गरून् भन्ने चाहन्छौं नै तर योसँगै हामी मानिसहरू यथार्थवादी हुन् भन्ने चाहन्छौं । कोरोना सुरक्षित वातावरण महामारी अघि हामीले गर्ने गरेको कार्यभन्दा फरक देखिने र अनुभूत हुनेछ’, उनले थपिन् ।
२५ मिलियन जनसंख्या भएको अष्ट्रेलियामा हालसम्म मात्र ७ हजार जनामा संक्रमण भेटिएको छ भने सय जनाले कोरोनाका कारण ज्यान गुमाएका छन् । न्यू साउथ वेल्स कोरोनाबाट सर्वाधिक प्रभावित राज्य हो ।
त्यहाँ पछिल्लो २४ घण्टामा मात्र ४ जना नयाँ संक्रमित फेला परेका छन् ।
उसले विदेशबाट फर्केका सबैलाई क्वारेन्टिनमा राखेको छ ।
यसैगरी पछिल्लो २४ घण्टामा ७ हजार मानिसमा गरिएको परीक्षणले कोरोना सामुदायिक स्तरमा नफैलिएको बेरेजिक्लियनले बताइन् ।
यसैगरी अष्ट्रेलियाका राज्य र क्षेत्रहरूले लकडाउन खोल्न तीन चरणका संघीय योजनाहरूको पालना गरिरहेका छन् । यस अन्तरगत ठाऊँ अनुसारका प्रतिबन्धहरू हुनेछन् ।
भिक्टोरिया राज्यमा त्यहाँका अधिकारीहरूले कोरोना संक्रमितको ट्रेसिङ्गका लागि विवादास्पद स्मार्ट फोन एपको प्रयोग गरिरहेका छन् । सो एपले सोमबार संक्रमण पुष्टि भएका व्यक्तिको हिँडडुल विवरण संकलन गर्न थालेको छ ।
हालसम्म करिब ६ मिलियन अष्ट्रेलियनहरूले सो एप डाउनलोड गरिसकेका छन् । व्यक्तिगत स्वतन्त्रताका बारेमा एपले प्रश्न खडा गरेपनि सरकारले भने यसको प्रयोग फाइदाजनक हुने बताएको छ । एजेन्सी
-1720629565.jpeg)
-1720629565.jpeg)
