वीरगंज, जेठ ३१ । युवा वचन संस्थाद्वारा आज वीरगंजमा आयोजित खुला रक्तदान कार्यक्रममा २ महिला सहित १ सय २५ जनाले रक्तदान गरेका छन् ।
विश्व रक्तदाता दिवसको पूर्वसन्ध्यामा आयोजित रक्तदान कार्यक्रममा सोनि जैसवाल, गिरिजा देवी, अनमोल कोईराला, निमेष शर्मा, रुपेश कार्की, नवनित अग्रवाल, कन्हैया अग्रवाल, अमरनाथ पटेल, बिनोद पटेल, धनेश्वर यादव, अभिजित यादव, अंकुश साह, शशी साह, सज्जन साह, शेखर अग्रवाल लगायतका १ सय २५ जनाले रक्तदान गरेको युवा वचन संस्थाका अध्यक्ष पियुष कादमियाले बताउनु भयो ।
लकडाउनको कारण रक्तदान नहुँदा वीरगंजमा रगतको अभावलाई मध्यनजर गर्दै खुला रक्तदान कार्यक्रमको आयोजना गरिएको कादमियाले बताउनु भयो ।
कार्यक्रममा वीरगंज महानगरपालिकाका मेयर विजय सरावगी, पर्साका सहायक प्रमुख जिल्ला अधिकारी ललितकुमार बस्नेत, प्रहरी उपरीक्षक गंगा पन्त, वीरगंज पब्लिक कलेजका निर्देशक डा. दिपक शाक्य, वीरगंज युवा समाजका अध्यक्ष कमल चौगाई लगायतको सहभागिता रहेको थियो ।
-1720629565.jpeg)
-1720629565.jpeg)
