वीरगंज, ६ असार । यो देशको वातावरणको सबभन्दा ठूलो अपराधी राजा महेन्द्र भएको नेपाली कांग्रेस पर्साका सभापति अजय द्विवेदीले आरोप लगाउनु भएको छ ।
वातावरण जिउने आधार पर्साद्वारा वीरगंजको घण्टाघरमा सिर्सिया नदीको प्रदुषण र निजगढ विमानस्थल निर्माणको क्रममा हुने वन फडानीको मुद्दाको सन्दर्भमा आयोजित प्रदर्शन सभामा प्रमुख अतिथिको रुपमा सहभागी द्विवेदीले नेपाल देश रहुन्जेल सम्म राजा महेन्द्रले लिएको गलत नीतिको कारण चारकोसे झाँडी फाँडेर आफ्नो मान्छेलाई बसाउने काम भयो, जसको कारणले गर्दा शहर विस्तारको नाउँमा महेन्द्र राजमार्गमा वर्तमान र भविष्यमा जंगल फडानी भइरहने दावी गर्नु भयो ।
अब पर्यावरणलाई ध्यानमा राखेर विकासको अवधारणा ल्याउनु पर्छ भन्दै सिमरा विमानस्थललाई विस्तार गरेर वन विनाश रोक्न सक्ने तर्क द्विवेदीले प्रस्तुत गर्दै सिर्सिया नदीको लडाई तेस्रो पुस्तामा सरेको चर्चा गर्दै यसको लागि सरकार र स्थानीय निकायले कडा कदम उठाउन जरुरी बताउनु भयो ।
सो कार्यक्रममा बोल्दै वातावरण जिउने आधार ( Living with Environment ) का केन्द्रिय अध्यक्ष आकाश चौहानले जंगलको विकल्प वृक्षारोपण हुन नसक्ने भन्दै यदि प्रकृतिसँग यसैगरी खेलवाड भइरहयो भने कोरोना भन्दा ठुलो विपत्तिको सामना गर्नुपर्ने हुन्छ ।
कार्यक्रममा नेपाल पत्रकार महासंघ प्रदेश नं. २ का अध्यक्ष दीपेन्द्र चौहान, वीरगंज महानगरपालिकाका कार्यपालिका सदस्य अरविन्द गुप्ता, नागरिक समाजका अगुवा डा. दिपक शाक्य, युवा नेता ओमप्रकाश सर्राफ, आकाश दास, आशुतोष चतुर्वेदी, प्रभाकर चौरसिया लगायतले आ–आफ्नो धारणा राख्नु भएको थियो । कार्यक्रमकाे अध्यक्षता संस्थाका पर्सा अध्यक्ष राेहित वर्णवालले गरेका थिए भने सिर्सिया नदी र निजगढ अभियानकाे नेतृत्व रुपक पटेलले गर्ने छन् ।
त्यसैगरी कार्यक्रममा केन्द्रिय संचालक रोशन पटेल, पर्सा सह–संचालक विकास चौहान, पर्सा उपाध्यक्ष सौरभ वर्णवाल, भोलेन्टियर समूह वीरगंजका संयोजक राजन श्रीवास्तव, दिपु वर्णवाल, पवन पटेल, मयंक रौनियार, मुस्कान श्रेष्ठ, निशा ताम्राकर, राजा कलवार, गरिमा पाण्डे, सुशिला पौडेल, आकाश दास लगायतकाे सहभागिता रहेको थियो ।
-1720629565.jpeg)
-1720629565.jpeg)
