वीरगञ्ज । नबिल बैंकले शुक्रबारदेखि वीरगञ्जस्थित बाईपासमा नयाँ शाखा सञ्चालनमा ल्याएको छ । यसअघि दुई शाखाबाट सेवा प्रदान गर्दै आएको बैंकले बाइपास सडकखण्डमा थप एउटा शाखा सञ्चालनमा ल्याएको हो ।
शाखा कार्यालयको आज एक समारोहका विच वीरगञ्ज महानगरपालिकाका नगरप्रमुख (मेयर) राजेशमान सिंहले उदघाटन गरेका छन् । कार्यक्रमका प्रमुख अतिथिसमेत रहेका मेयर सिंहले शाखाले परिस्कृत ढंगबाट ग्राहकलाई सेवा प्रदान गर्ने विश्वास व्यक्त गरे ।
वीरगञ्जको आदर्शनगर क्षेत्रमा मात्रै बैंकको शाखा खोल्ने परिपाटीको अन्त्य गर्दै मुख्य बजार क्षेत्र बाहिरका ग्राहकलाई लक्षित गर्दै नबिल बैंकले शाखा सञ्चालनमा ल्याएमा खुसी व्यक्त गर्दै उनले भने, ‘नबिल बैंक देशको एउटा सर्वोत्किष्ट वित्तीय संस्था मध्ये एक हो । लामो समयदेखि नेपालको अर्थतन्त्रमा यसले ठूलो सहयोग पुर्याउँदै आएको छ । आशा गर्छु नयाँ शाखाले बैंकको यस विरासतलाई कायम राख्छ ।’
मेयर सिंहले बैंकलाई प्रत्येक शाखाका लागि छुट्टै सवारी पार्किङको व्यवस्थापन गर्न आग्रह गरे । ‘बैंकको ठूलोठूलो भवन छ तर पार्किङ छैन । सेवाग्राही आफ्नो सवारीसाधन सडकमै पार्किङ गर्न बाध्य हुन्छन्,’ उनले भने, ‘कम्तिमा प्रत्येक शाखाले आफ्नै पार्किङको व्यवस्थापन गरोस्, यसको लागि महानगर समन्वय गर्न तयार छ ।’
कार्यक्रममा बोल्दै नवसञ्चालित शाखाका प्रवन्धक कृष्णहरि भण्डारीले नयाँ शाखा आफैमा स्वयंपूर्ण भएको बताउँदै वीरगञ्जमा रहेका अन्य दुई वटा शाखाझैँ यहाँबाट पनि सेवासुविधा उपलब्ध हुने बताए । नबिल बैंकले आजै देशभरका विभिन्न स्थानमा ३८ वटा नयाँ शाखा सञ्चालनमा ल्याएको जानकारी पनि गराए । ‘आज थपिएका ३८ नयाँ शाखासँगै नबिल बैंकको देशभर २५५ वटा शाखा पुगेका छन्,’ उनले भने । हाल देशका विभिन्न स्थानमा २८३ वटा एटीएमपनि सञ्चालनमा रहेको उनले बताए ।
कार्यक्रममा नेपाल राष्ट्र बैंक वीरगञ्ज शाखाका निर्देशक अजित रेग्मी, वरिष्ट उद्योगी तथा समाजसेवी रमेश अग्रवाल, देवकीनन्दन अग्रवाल, वीरगञ्ज शाखाका प्रवन्धक नितिन नन्द्वाना, पावर हाउस शाखाका प्रवन्धक सन्तोषकुमार साह लगायतको सहभागिता थियो ।
-1720629565.jpeg)
-1720629565.jpeg)
